Nahiko

Nahiko berdintasunerako, errespeturako eta biolentzia-ezarako Hezkidetza programa da.

Berdintasunez bizitzeko baloreak lantzen dituen tutoretza programa da. Horretarako, ikasleak sozializatzen dituzten genero rolen azterketan eta giza eskubideetan oinarritzen da, bereziki eguneroko bizitzan eta harremanetan finkatuz.

Zer da Nahiko? (PDF, 547 KB)

Nahiko! programari dagozkion ikaskuntza gida: laburpena, ondorioak eta esperientzia pilotuak (PDF, 1 MB)

NAHIKO programa, 2017-2019 aldian

Emakunderen NAHIKO! programa, emakumeen kontrako indarkeria prebenitzeko koedukazio-programa, 2017-2018 eta 2018-2019 ikasturteetan ezartzearen esperientzia gaur egungo eskola mistoaren eredutik eskola koedukatiboaren eredurako eraldaketa-prozesu bat sustatzeko.

2017/2019 edizioan parte hartzeko, izen emate orria bete eta bidali bertan agertzen den helbidera (DOC, 1 MB)

Lehen Hezkuntzako ikastetxeek NAHIKO! programa ezartzearen esperientzian parte hartzeko aukera izaten dute. Esperientzia hori Emakundek garatu eta zaintzen du, Lehen Hezkuntzako hiru zikloetako bakoitzean programa ezartzeko beharrezkoak diren bi ikasturteetan.

Horretarako, Emakundek esperientziak iraungo duen bi ikasturteetan, 2017-2018 eta 2018-2019, beharrezko babes teknikoa emango die, ondorengo konpromisoak bere eginda:

  1. NAHIKO! koedukazio-programa ikastetxeak aukeratzen duen Lehen Hezkuntzako zikloan ezartzeko material guztia doan ematea. Hau da, digitalizatutako material guztia (jokoak, irakasleen gida eta ikasle zein familientzako koadernoak). Material guzti hauek Emakunderen web gunean eskuragarri daude.
  2. Irakasleentzako prestakuntza-saioak, koedukazio arlokoak oro har, eta ziklokako mintegiak, ziklo jakin bakoitzeko NAHIKO! programako materialaren erabileraren ingurukoak. 2017-18 ikasturtean, Lehen Hezkuntzako 1., 3. eta 5. mailako materialei lotuta. 2018-19 ikasturtean, Lehen Hezkuntzako 2., 4. eta 6. mailako materialei lotuta.
  3. NAHIKO! programaren ezarpena koordinatu, jarraipena egin, aholkuak eman eta laguntzea, programa lantzen ari diren Lehen Hezkuntzako ikasturteetan.
  4. Ikastetxeei ziklo bakoitzeko familiekin, lehenengo hiruhilekoan, informazio-bilera bat egiten laguntzea. Bilera horretan, ikasturteko edukia aurkeztuko diete, baita ikasturteari dagokion familia koadernoa; hau ere, Emakunderen web gunean eskuragarri dagoena.  

Horretarako, Emakundek hiru hilean behin zera eskainiko die ikastetxeei:

  • Lehen Hezkuntzako ziklo guztietako irakasleentzako prestakuntza-jardunaldi bat, koedukazioari eta emakume eta gizonen arteko berdintasunari buruzkoa.
  • Mintegi bat, hiru zikloetako bakoitzeko. Ziklo bakoitzeko Nahiko! programako materialen erabilerari buruzko mintegi praktikoa da (zehazki, aipatutako hiruhilekoko unitate didaktikoari dagokion materiala), baita jarraipena egiteko eta programan parte hartzen duten ikastetxeek estrategiak, baliabideak eta esperientziak partekatzeko mintegia ere.

Bestetik, 2017-2019ean Nahiko! programaren ezarpen-esperientzian parte hartzen duten ikastetxeek honako konpromiso hauek hartu dituzte:

  • Bi ikasturteetan, 2017-2018an eta 2018-2019ean parte hartzea, dagokion programa aukeratutako  Lehen Hezkuntzako zikloan ezartzeko.
  • Nahiko! programa aplikatuko den zikloko hezkuntza mailako (1., 3. eta/edo 5.a, 2017-2018 ikasturtean eta 2., 4. eta/edo 6.a, 2018-2019 ikasturtean) gutxienez tutore bat joatea koedukazioari eta  berdintasunari buruzko, irakasleentzako hiru hilean behingo prestakuntza-jardunaldira. Halaber, ziklo bakoitzeko hiruhileko mintegietara joatea ere; programaren materialak aurkezteko,  aholkuak eman, eta jarraipena egiteko, baita beste ikastetxeekin esperientziak partekatzeko mintegietara joatea.
  • Ikasleekin ziklo bakoitzeko sei unitate didaktikoetako materiala erabiltzea (hiru unitate ikasturte bakoitzeko), dagozkien eskuliburu didaktikoetako jarraibideen arabera, hala nola ikasleen erreakzioak eta portaerak behatzea, alde batetik programaren eta materialen garapena eta bestetik ikasleek bereganatzen dituzten ikaskuntzak ebaluatzea.
  • Nahiko! programan parte hartzen duen ziklo bakoitzeko familientzako informazio-bilera bat deitzea eta egitea (ziklo bakoitzeko bat), ikasturteko lehenengo hiruhilekoan.

Lehen Hezkuntzako 2.600dik gora neska-mutil eta 35 ikastetxe ari dira Nahiko! koedukazio-programan parte hartzen 2015-2017 aldian.

35 ikastetxe

  • ARABA: 1
  • BIZKAIA: 24
  • GIPUZKOA: 10

132 ikasle talde

  • Lehen zikloko 44 talde
  • Bigarren zikloko 41 talde
  • Hirugarren zikloko 47 talde

2.685 ikasle

  • Lehen zikloko 860 ikasle
  • Bigarren zikloko 849 ikasle
  • Hirugarren zikloko 976 ikasle 

 

I Jardunaldi orokorra (2015/09/25)

• II Jardunaldi orokorra (2016/01/13)

III Jardunaldi orokorra (2016/04/07)

• IV Jardunaldi orokorra (2016/09/30)

• V Jardunaldi orokorra (2017/01/17)

Nahiko! Topaketa 2015-2017 (2017/05/05)

 

(Txostenak Irakasleen formakuntza ataletik deskargatu ahal dira)

Ziklokako mintegiak hainbat egunetan egiten dira eta ziklo bakoitzean programa garatzen ari diren irakasleek parte hartzen dute.

Lehenik eta behin, aurreko hiruhilekoko unitate didaktikoarekin izandako esperientzia partekatzen da eta erabilitako estrategiak eta baliabideak trukatu, baita lorpenen eta aurkitutako zailtasunen berri eman ere, eta ikasleek ikasitakoari buruzko gogoeta eta bateratze-lana egin.

Jarraian, hiruhilekoko unitate didaktiko berria, helburuak, edukiak eta materiala aurkezten dira eta haren erabilerari buruzko gogoeta egiten da, koedukazioaren eta emakume eta gizonen arteko berdintasunaren ikuspegitik.

Euskadi, auzolana