Lege-esparrua
Emakunde enpresekin lanean ari da emakumeen arteko benetako berdintasun eraginkorra bermatuko duten guneak izan daitezen. Horrela, erakundeak gizarte-aldaketarako eragile bihurtzen dira, eta eredu inklusiboagoa, errespetuzkoagoa eta ausartagoa sustatzen dute, berdintasunean eta iraunkortasunean aurrera egiteko.
Emakundek, funtsezko beste eragile batzuekin batera, enpresei laguntzen die kudeaketan berdintasuna txertatzeko eta lan-espazio seguruak, iraunkorrak eta pertsonak zainduko dituztenak eraikitzeko ereduak garatzeko. Baldintza horiek bete behar dira erakundeak berritzaileak, lehiakorrak eta enpresa-ekosistema eraldatzen dutenak izan daitezen, eredu bidezkoagoak eta berdintasunezkoagoak lortze aldera.
Ildo horretan, emakumeen eta gizonen berdintasunerako planak funtsezko tresnatzat hartzen dira gure erakundeetan genero-arrakalak murrizteko: enpresetan sartzeko arrakala gizonekiko berdintasunean, arraila erantzukizun-postuetarako sustapenean, arraila zaintza-erantzukizunak hartzean, arrakala laneko segurtasunean eta osasunean... eta arrakala izarra, enpresetako emakumeen eta gizonen arteko desberdintasunen multzoa biltzen duen soldata-arrakala.
Gainera, azken urteotan garatu den legeriak eragin zuzena izan du berdintasun-planen edukiaren, negoziazioaren eta erregistroaren erregulazioan. Era berean, erakundeetan berdintasuna kudeatzeko funtsezko arloak arautu dira, hala nola soldata-erregistroa eta -ikuskaritza, soldata-gardentasuna bultzatzeko tresnak eta ordainsari-arrakalak murrizteko tresnak.
Berdintasunerako ondoz ondoko plangintzak eta Eusko Jaurlaritzak onartutako AEko Emakumeen eta Gizonen Berdintasunerako 2030 Estrategia (PDF), eta Emakumeen eta gizonen berdintasunerako eta emakumeen aurkako indarkeria matxistarik gabe bizitzeko Legearen testu bategina, 1/2023 Legegintzako Dekretua, martxoaren 16koa, onartutakoa (esteka) dira enpresen eremuan berdintasuna sustatzeko neurriak bultzatzea eta garatzea ahalbidetu eta babestu duen erreferentzia-esparrua.
Halaber, emakumezko eta gizonezkoen berdintasun eraginkorrerako 3/2007 Lege Organikoak (PDF), 2019ko Errege Lege Dekretuak (PDF) eragindako aldaketen ondoren ildo berean sakondurik, berdintasunerako plan bat ezartzera behartu ditu 50 langiletik gorako enpresa guztiak.
Era berean, hurrengo errege-dekretuek berdintasun-planak eta haien erregistroa arautzen dituzte, bai eta enpresek emakumeen eta gizonen ordainsari-berdintasunean aurrera egiteko ezarri beharreko neurriak ere:
• Real Decreto 902/2020, de 13 de octubre, de igualdad retributiva entre mujeres y hombres